Rus dili fənni üzrə fənn gecəsi
Dillər aylığı çərçivəsində məktəbimizin akt zalında rus dili fənni üzrə fənn gecəsi keçirildi. Tədbir rus dili və ədəbiyyatı metodbirləşmə rəhbəri Şəfiqə Bağırova, rus dili və ədəbiyyatı müəllimi Svetlana Dmitriyeva və V-IX sinif şagirdlərinin iştirakı ilə keçirildi. Azərbaycan və rus bölməsinin sinif şagirdləri rus dilində Azərbaycana həsr olunmuş şeirlər, mahnılar və rəqslərlə tamaşaçıların zövqünü oxşadılar.
Tədbirdə iştirak edən məktəbin direktoru Rəşad Alcanov çıxış edərək “Rus dili aylığı” na həsr olunmuş kompozisiyada əməyi olan Bağırova Şəfiqəyə, Dmitriyeva Svetlanaya və şagirdlərə təşəkkür elan etdi. Tədbirdə təlim tərbiyə işləri üzrə direktor müavini Zeynəb Vəliyeva, təsərrüfat işləri üzrə direktor müavini Fərman Salmanzadə, məktəbin müəllimləri Nəzakət Ağayeva, Nuriyə Ağayeva, Ramilə Kərimova, Səadət Cavadova, Milena Mahmudova, UBTR Xalidə İbrahimova, psixoloq Mehriban Quliyeva iştirak etdilər.
