İngilis dilinə həsr olunmuş Ədəbi Bədii Gecə keçirildi
30 noyabr tarixində məktəbdə ədəbi bədii gecə keçirildi. Ədəbi bədii gecə ingilis dili aylığı ilə əlaqədar olaraq ingilis dili metodbirləşmə rəhbəri Fəridə Məhərrəmovanın və ingilis dili müəllimləri Təhminə Əhmədova, Ramilə Kərimova, Aynurə Pirməmmədova, Yeganə Ağayeva, Rüxsarə İbrahimova, Minayə Bağırova, I-IX sinif şagirdlərinin birgə əməyi və iştirakı ilə həyata keçirildi. Tədbir Azərbaycan Respublikasının Dövlət Himnin ingilis dilində səsləndirilməsindən sonra açıq elan olundu. Tədbirdə şagirdlər “Balaca qırmızı toyuq”və “Sindirella” nağıllarından səhnəciklər nümayiş etdirdilər. Rus və Azərbaycan bölməsinin şagirdləri ingilis dilində bir-birindən maraqlı şeirlər, mahnılar ifa etdilər və rəqslər təqdim etdilər. Tədbirin sonunda məktəbin direktoru çıxış edərək tədbirdə əməyi keçən hərkəsə təşəkkürünü bildirdi və 15 noyabr tarixində məktəbdə ingilis dilindən keçirilən şeir müsabiqəsində qalib gələn şagirdlərə Fəxri fərman təqdim etdi.
