Azərbaycan dili və ədəbiyyatdan bilik yarışı
23 noyabr tarixində məktəbimizdə Azərbaycan dili və ədəbiyyat aylığı çərçivəsində bilik yarışı keçirildi. Yarış Azərbaycan dili və ədəbiyyat metodbirləşmə rəhbəri Nəzakət Ağayevanın təşkilatçılığı ilə keçirildi. VII siniflərarasında keçirilən yarışda şagirdlər “ZƏKA”, “NUR”, “ZİRVƏ” adlı qruplara bölündülər. Şagirdlər bilik yarışında fəal iştirak edərək verilən suallara cavab tapmağa çalışdılar. 7”A” sinfi yarışın qalibi 7”B” II yer , 7 “C” III yerə çıxdı. Yarışın sonunda siniflər hədiyyələrlə mükafatlandırıldı.
Bilik yarışının keçirilməsində məqsəd məktəblilərin asudə vaxtlarının səmərəli təşkili, istedadlı şagirdləri aşkar etmək, şagirdlərin bilik və bacarıqlarını yoxlamaq, sağlam rəqabət yaratmaq və onlar arasında biliyin nüfuzunu qaldırmaqdır.
Yarışda məktəbin direktoru Rəşad Alcanov, direktor müavini Cəmilə Nuqrəzadə, Azərbaycan dili və ədəbiyyat müəllimi Nəzakət Ağayeva, Ləman Mehdiyeva, Zenfira Həsənova iştirak etdilər.
