“Bayrağımız sərvətimizdir”
Məktəbin illik fəaliyyətinin 1.3.12 bəndinə uyğun olaraq şagirdlərdə dövlət rəmzlərinə, vətənpərvərlik, milli mənəvi dəyərlərimizə hörmət hissinin aşılanması məqsədilə növbəti tədbir keçirilib. “Bayrağımız sərvətimizdir” adlı tədbirdə məktəbin Azərbaycan dili və ədəbiyyat müəllimi Sevda Əliyevanın rəhbərliyi ilə 5"A" sinfi fəal iştirak edib. Azərbaycan Dövlət himninin səsləndirilməsi ilə başlayan tədbirdə dövlət bayrağımız şagirdlər tərəfindən musiqi sədaları altında səhnəyə gətirilib. Daha sonra 5"a" sinif şagirdləri vətən, bayraq haqqında şeirlər söyləyib, mahnılar ifa ediblər. Tədbirdə məktəbin direktoru Rəşad Alcanov, şagirdlərin valideynləri, müəllim kollektivi, iştirak edib.Tədbirin sonunda Rəşad müəllim çıxış edərək tədbirin əhəmiyyətindən danışaraq gənc nəslin vətənpərvər ruhda yetişdirilməsinin vacibliyini vurğulayıb və tədbirin təşkilində əməyi olan hər bir kəsə təşəkkürünü bildirib.
