"Ay ulduzlu bayrağım"
Məktəbimizdə 9 Noyabr-Dövlət Bayrağı günü münasibətilə silsilə tədbirlər davam edir. Bayraq gününə görə şeir müsabiqələri, sinif təşkilat saatları və rəsm müsabiqələri həyata keçirilir. 5 noyabr tarixində məktəbin kitabxanasında "Ay ulduzlu bayrağım" adlı şeir müsabiqəsi keçirildi.
V-VIII sinif şagirdləri arasında keçirilən müsabiqədə Bəxtiyar Vahabzadənin “Bayraq”, Cəfər Cabbarlının “Azərbaycan bayrağına” adlı şeirləri şagirdlər tərəfindən səsləndirildi.
Tədbirlərin keçirilməsində məqsəd dövlət bayrağının və onun milli simvollarının, eyni zamanda, vətənpərvərlik və dövlətçilik ideyalarının təbliğidir .
Münsiflər heyətində direktor müavini Cəmilə Nuqrəzadə, Azərbaycan dili və ədəbiyyat müəllimləri Nəzakət Ağayeva, Təranə Əliyeva, Zühurə Məlikova, kitabxana müdiri Firəngül Əliyeva, kitabxanaçı Xalidə Nəsirova iştirak etdilər.
