Beynəlxalq Məktəb Kitabxanaları Günü
22 oktyabr Ə.Kazımov adına 228 nömrəli tam orta məktəbin kitabxanasında "Beynəlxalq Məktəb Kitabxanaları Günü" qeyd edildi. Şagirdlərin marağını məktəb kitabxanasına yönəltmək məqsədilə 3 "C" sinfi kitabxanaya dəvət edildi. Kitabxana müdiri Firəngül Əliyeva çıxış edərək kitabxana haqqında məlumat verdi, bədii ədəbiyyatın şagridlərin tərbiyəsinə, savadına və dünyagörüşünə yaxşı təsir göstərməsindən bəhs etdi.
Kitabxanamızda vaxtaşırı dəyirmi masalar keçirilir, buraya həm müəllimlər, həm şagirdlər dəvət olunur, maraqlı fikirlər müzakirə olunur və disputlar keçirilir. Şagirdlərdə oxu vərdişini formalaşdırmaq üçün oxu günləri təşkil olunur.
Görüşün sonunda Firəngül xanım və Xalidə xanım kitabxanaya üzv olmaq haqqında məlumat verdi.
