Müstəqilliyimiz əbədidir
Oktyabrın 18-də Əliheydər Kazımov adına 228 nömrəli tam orta məktəbin akt zalında ibtidai sinif müəllimi Ulduz Paşayev "Müstəqlliyimiz əbədidir" adlı tədbir keçirdi. Azərbaycan Respublikasının Dövlət Himninin səslənməsindən sonra tədbir açıq elan edildi. Azərbaycanın dövlət müstəqilliyinin bərpasının 27-ci ildönümünə həsr olunan tədbirdə şagirdlər Azərbaycan Respublikasının Dövlət himni, üçrəngli bayraq, səkkiz guşəli ulduz təsvirli dövlət gerbi haqqında çıxışlar etdilər. Tədbirdə iştirak edən şagirdlər şeirlər söylədilər,"Çırpınırdı Qara dəniz" mahnısını ifa etdilər. Şagirdlər təntənəli surətdə bayrağı səhnəyə gətirdilər. Məktəbin direktoru çıxış edərək bir daha şagirdləri bayram münasibətilə təbrik edərək, şagirdlərə çıxışlarına görə təşəkkür etdi. Tədbirdə məktəbin müəllimləri , şagirdləri və valideynlər iştirak etdi. Bu gözəl tədbirə görə sinif müəllimi Ulduz Paşayevaya və 4"B" sinfinə təşəkkür edirik.
