Conversation clubda növbəti görüş
Əliheydər Kazımov adına 228 saylı tam orta məktəbdə oktyabr ayında fəaliyyətə başlayan danışıq klubu hər həftənin bazar günü keçirilir. 16 oktyabr tarixində baş tutan növbəti görüşdə şagirdlər fəal iştirak edərək verilən bütün tapşırıqların öhdəsindən səylə gəldilər. Sual - cavabda fəal iştirak etdilər. Təşkil edilən danışıq klubunda əsas məqsəd müxtəlif yaş qrupundan olan şagirdlərdə xarici dilə olan maraqlarını artırmaq, xarici dil biliklərini praktiki danışıq məşğələləri vasitəsilə daha da möhkəmləndirmək, məktəblilərin ingilis dilində fikirlərini düzgün və səlis ifadə etmələrinə dəstək vermək, ünsiyyət vərdişlərini təkmilləşdirmək və xarici dildə ünsiyyət komplekslərini aradan qaldırmaqdır.
