"Dünyamız - Yer kürəsi"
Oktyabrın 5-də məktəbimizin rus bölməsi üzrə ibtidai sinif müəllimi Nataliya Fabriçnova 1i sinfində "Açıq dərs" keçirib. Həyat bilgisi fənnindən açıq dərsin mövzusu "Dünyamız - Yer kürəsi" mövzusu idi. İlk növbədə motivasiya quran müəllimə şagirdlərə yönəldici suallar verib. Sonra isə şagirdlərə verilən şəkillərdən hər qrupun adına uyğun şəkilləri tapmağı tapşırıb. Mövzuya uyğun 5 qrupa bölünən şagirdlərə iş vərəqləri təqdim olunub. Şagirdlər tədqiqat sualı ətrafında məlumat müzakirəsi aparıb, Azərbaycana məxsus çaylar,göllər,dağlar haqqında məlumatlar veriblər. Qruplardakı şagirdlər fəallıqla öz işlərini yerinə yetirib və dərsin mərhələlərinə uyğun sonda qrup qiymətləndirilməsi həyata keçirilib.Dərsdə iştirak edən məktəbin direktoru Rəşad Alcanov və direktor müavini Zeynəb Vəliyeva birincilərə gələcək işlərində uğurlar arzulayıb. Nataliya müəlliməyə şagirdlərimizin təlim - tərbiyəsində göstərdiyi zəhmətə görə dərin təşəkkürümüzü bildiririk .
