“1 iyun Uşaqların Beynəlxalq Müdafiəsi Günü”
Dünyanın əksər ölkələrində olduğu kimi ölkəmizdə də 1 iyun - "Uşaqların Beynəlxalq Müdafiəsi Günü" kimi qeyd olunur.Ölkəmizdə uşaqlara qayğı bu gün də diqqət mərkəzindədir.
Prezident İlham Əliyev uşaqların sağlam və firavan böyüməsini, onların rifahının yüksəldilməsini dövlət siyasətinin başlıca vəzifələrindən biri kimi müəyyən edib. Prezident İlham Əliyevin Sərəncamı ilə 2009-cu ilin “Uşaq ili” elan edilməsi də bu sahəyə diqqətdən xəbər verir. Bu həm də onu göstərir ki, Azərbaycan dövləti uşaqların sabahı üçün böyük tədbirlər görür.İldən-ilə ölkəmizdə çoxlu sayda təhsil ocaqları açılır.
Məktəbimizdə də 1 iyun uşaqların müdafiəsi günü ilə əlaqədar olaraq təlim-tərbiyə işləri üzrə direktor müavini Cəmilə Nuqrəzadənin təşkilatçılığı ilə məktəbin ibtidai sinif şagirdlərinin rəsm müsabiqəsi keçirildi.Şagirdlər məktəbin həyətyanı asfalt örtüyündə rəsmlər çəkdilər.
