10-cu siniflərə qəbul
10-cu siniflərə qəbul və Təhsil Nazirinin əmrləri ilə bu ildən tətbiq olunan təmayül siniflərlə bağlı məktəbimizin təlim-tərbiyə işləri üzrə müavini Natəvan xanım Əliyeva valideyn və şagirdlərlə toplantı keçirmiş, orada əmrlərdən irəli gələn tədris planları və təmayül siniflərlə bağlı növbəti dəfə məlumat vermişdir.Xatırladaq ki, təmayül siniflərin tətbiq olunacağı ilə bağlı may-iyun aylarında valideyn və şagirdlərlə, sinif rəhbərli ilə toplantılar keçirilmiş və həmin toplantıların nəticələrinə əsasən 10-cu siniflərimizin istiqamətləri müəyyən edilmişdir.Öz yüksək mədəniyyəti, ziyalılığı, etiki davranışı ilə həmişə fərqlənən, əsl pedaqoq, təhsil işçisi adının, təlim-tərbiyə vəzifəsinin həqiqi daşıyıcısı olan, məktəbin islahat olunmasında və yenidənqurulmasında əlindən gələni əsirgəməyən, məktəb fədaisi Natəvan xanıma məzuniyyət dövrü daxil olmaqla artıq 2 ildən artıqdır ki, bütün qüvvəsini məktəbə həsr etdiyinə görə səmimi qəlbdən təşəkkür edirəm!
