Məzunlar bizləri öz yüksək nəticələri ilə sevindirdi
Keçən ilin məzunları kimi bu ildə də məzunlar bizləri öz yüksək nəticələri ilə sevindirdi.Məktəbimizin məzunu Hüseynov Əlimirzə Nazim oğlu 673 bal toplayaraq Bakı Ali Neft Məktəbinin tələbələri sırasına qatılmışıdr.Xatırladaq ki, keçən il 2 məzunumuz 600-dən artıq bal toplayaraq bu nüfuzlu ali təhsil müəssisəsinin tələbələri olmuş və həmin müəssisənin rektoru hörmətli Elmar müəllim Qasımov məktəbimizin rəhbərinə təşəkkür məktubunu ünvanlamışdır."İqtisadiyyatın əsasları"nı tədris etdiyim 10 və 11-ci siniflərdə Əlimirzə həmişə ən aktiv və yüksək intellekti ilə, ədəb-ərkanlığı, müəllimlərə,böyüklərə xüsusi hörməti ilə, yüksək tərbiyəsi ilə fərqlənən şagirdlərimdən olub. Həmişə bu şagirdimdən daxilən böyük uğurlar gözləmişəm və intuitiv olaraq hiss etmişəm ki, nəticələri yüksək olacaq.Bir ziyalı,pedaqoq,təhsil işçisi,məktəb rəhbəri kimi, Əlimirzənin valideynlərinə bu kimi layiqli övlad tərbiyə edib cəmiyyətimizə, dövlətimizə,təhsilimizə bəxş etdiklərinə görə səmimi təşəkkür edirəm!Əlimirzə və onun valideyni məktəbimizə gələrək məktəb rəhbərinə burada aparılan təhsil islahatlarına görə təşəkkürlərini və bu islahatlardan məmnun qaldıqlarını bildirmişdirlər.Yəgin ki, valideyn və şagird təşəkkürü yüksək nəticələrlə birlikdə hər bir məktəb rəhbərinin və müəllimin ən xoş anlarından biridir.Uğurların davamlı və bol olsun Əlimirzə!
