VIII sinif şagirdimiz Dəmirova Mədina Rus Dili Olimpiadasının qalibi olub
İyunun 8-də Bakı Dövlət Universitetində rus dilində təşkil edilən 15-ci Respublika Olimpiadasının qaliblərinin təntənəli mükafatlandırılması mərasimi keçirilib. Məktəbimizin rus bölməsində təhsil alan şagirdimiz Dəmirova Mədina Rus Dili Olimpiadasının qalibi olub.
“Doğma dil ürəyin güzgüsüdür” mövzusunda keçirilən və Azərbaycan xalqının Ümummilli Lideri Heydər Əliyevin anadan olmasının 100 illiyinə həsr edilən olimpiada Azərbaycanın Elm və Təhsil Nazirliyi, Rusiyanın Azərbaycandakı səfirliyi, “Rossotrudniçestvo” agentliyinin ölkəmizdəki nümayəndəliyi, Bakıdakı “Rus Evi” və Azərbaycan Rusdilli Təhsil Müəssisələri Assosiasiyasının birgə təşkilatçılığı ilə ərsəyə gəlib.
