Bilik yarışı
2022-2023-cü tədris ilinin dekabr ayı məktəbimizdə "Azərbaycan dili aylığı" elan olunub. Aylıq çərçivəsində şagirdlərin fənnlər üzrə bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması məqsədilə açıq dərslər, tədbirlər, viktorinalar, yoxlama tapşırıqlar, məktəbdaxili olimpiada, bilik yarışlarının keçirilməsi nəzərdə tutulub.
Dekabrın 5-də məktəbin Azərbaycan dili və ədəbiyyat müəllimi Nəzakət Ağayeva və Zuhurə Məlikovanın təşkilatçılığı ilə 7"C" və 7 "B" sinfi arasında bilik yarışı keçirilib. Şagirdlər yarış ərzində şeirlər,atalar sözü,laylalar, bayatılar, tapmacalar səsləndiriblər. Yarış ərzində məktəbin direktoru Səkinə Rzayeva və təlim tərbiyə işləri üzrə direktor müavini Səadət Həmidova iştirak edərək şagirdlərə dəstək olublar. 7 B sinfi 4 bal hesab fərqi ilə yarışın qalibi olub.
