“Riyaziyyat bütün elmlərin açarıdır” adlı riyaziyyat gecəsi
Ə.Kazımov adına 228 nömrəli tam orta məktəbdə “Riyaziyyat gecəsi” keçirilib. Tədbirdə məktəb rəhbərliyi, müəllimlər və digər qonaqlar iştirak ediblər.
Dövlət himni səsləndirildikdən sonra məktəbin şagirdləri şeirlər səsləndirib, riyaziyyat elmi haqqında məlumatlar veriblər. Təşkilati işlər üzrə direktor müavini Cəmilə Nuqrəzadə çıxış edərək şagirdlərin dünyagörüşünün, bilik və bacarıqlarının artırılmasında belə təşəbbüslərin əhəmiyyətini diqqətə çatdırıb və gecənin təşkilində əməyi olan hər kəsə təşəkkürünü bildirib.
Tədbir şagirdlər tərəfindən böyük maraqla qarşılanıb.
