Bəxtiyar Vahabzadənin 90 illik yubileyi
2015-ci ilin avqust ayında Azərbaycanın Xalq şairi, tanınmış dramaturq, ədəbiyyatşünas və ictimai xadim, SSRİ-nin və Azərbaycan Respublikasının Dövlət mükafatları laureatı, akademik Bəxtiyar Vahabzadənin anadan olmasının 90 ili tamam olur. Bəxtiyar Vahabzadə Azərbaycan ədəbiyyatı tarixinin xüsusi mövqeyə malik görkəmli simalarındandır. Sənətkarın insanı daim mənəvi ucalığa səsləyən poetik-fəlsəfi məzmunlu yaradıcılığı milli poeziyada vətəndaşlıq ruhunun qüvvətlənməsində və ədəbi-ictimai fikrin istiqlal ideyaları ilə zənginləşməsində böyük rol oynayıb. Tarixi-mədəni dəyərlərə ehtiram və ana dilinin saflığının qorunması Bəxtiyar Vahabzadənin fəaliyyətinin mühüm istiqamətlərindən birini təşkil edib. Bəxtiyar Vahabzadənin 90 illik yubileyi münasibəti ilə 228 nömrəli məktəbdə 21 aprel tarixində Azərbaycan dili müəlliməsi Məlikova Zuhurə və Seyidova Qızqayıt müəllimənin təşəbbüsü ilə tədbir keçirildi.Tədbirdə şagirdlər şairin şeirlərini söylədilər,səhnəciklər göstərdilər.
