“Mənim gündəliyim” adlı oxu və yaradıcılıq müsabiqəsinə start verilib
Məktəbimizdə “Mənim gündəliyim” adlı oxu və yaradıcılıq müsabiqəsinə start verilib. İki mərhələdən ibarət müsabiqədə məktəbimizin I-VII siniflər və VIII –XI siniflər üzrə şagirdləri iştirak edəcəklər.
Müsabiqənin ilk mərhələsində şagirdlər məktəb kitabxanasından istifadə edərək Azərbaycan və dünya ədəbiyyatından əsərləri oxuyaraq gündəlik hazırlayacaqlar.
Müsabiqənin keçirilməsində əsas məqsəd şagirdlərin mütaliə vərdişlərinin təkmilləşdirilməsi, oxu və yazı bacarıqlarının inkişaf etdirilməsi, Azərbaycan və dünya ədəbiyyatının görkəmli nümayəndələrinin yaradıcılığı barədə məktəblilərin məlumatlılıq səviyyəsinin artırılması, istedadlı və mütaliəyə marağı olan şagirdlərin vaxtında üzə çıxarılması və onlara dəstək göstərilməsindən ibarətdir.
