Məktəbimizin əsas tədris prosesi ilə yanaşı xüsusi təhsil (evdə təhsil) sistemi də mövcuddur. Qaradağ rayonu üzrə xüsusi təhsil yalnız bizim məktəbə təhkim olunub
Məktəbimizin əsas tədris prosesi ilə yanaşı xüsusi təhsil (evdə təhsil) sistemi də mövcuddur. Qaradağ rayonu üzrə xüsusi təhsil yalnız bizim məktəbə həvalə edilib.Yeni 2016-2017 tədris ilində Xüsusi təhsilin dərs yüklərində və tədris intizamında mövcud olan problemlər Pedaqoji Şuranın növbədənkənar ıclasına çıxarıldı. Problemin nə dərəcədə "köklü" olmasını iclasın olduqca gərgin keçməsi təsdiq etdi. Səsvermə nəticəsində Xüsusi təhsildə dərs yüklərinin maksimum həcmini məhdudlaşdırdıq. Güman edirik ki, bu qərar məktəbimizin pedaqoji heyətində mövcud olan sıxlıq nəticəsində dərs yüklərinin çatışmazlığı problemini və bütün müəllimlərin dərs yükü ilə təmin etməsini həll edəcək, digər tərəfdən Evdə təhsildə dərs yüklərinin icrasına nəzarəti gücləndirməyə imkan verəcək. Müəllimlərimizdən xahiş etdik ki, dövlətimizin sağlamlıq imkanları məhdud uşaqlara qayğısını və maliyyə dəstəyini dəyərincə qiymətləndirsinlər və həmin uşaqlara-məktəbimizin şagirdlərinə proqram üzrə ayrılmış dərs yüklərinin icrasını təmin etsinlər.
