Yol hərəkəti qaydaları ilə bağlı maarifləndirilir
Ə.Kazımov adına 228 nömrəli tam orta məktəbdə şagirdlər yol hərəkəti qaydaları ilə bağlı maarifləndirilir.
Şagirdlər arasında yol hərəkəti qaydalarını təbliğ etmək və öyrətmək, onları yol qəzalarından qorumaq məqsədilə “Yol hərəkətinin təhlükəsizliyi”, “Yol hərəkəti qaydalarına riayət edək”, “Diqqət uşaqlar!” mövzularında maarifləndirici tədbirlər təşkil edilir. Eləcə də məktəbdə yol nişanlarına aid fotostendlər hazırlanır, şagirdlər arasında rəsm müsabiqələri keçirilir.
Tədbirlərin keçirilməsində məqsəd şagirdlərin təhlükəsizliyinin, yol hərəkəti ilə bağlı onların həyat və sağlamlıqlarının qorunmasını təmin etməkdən ibarətdir.
