Zəfər bayramı ilə əlaqədar ziyarət
Məktəbin illik fəaliyyət planına uyğun olaraq Rus dili və ədəbiyyat müəllimi Milena Mahmudova 5 "İ" və 6 "İ" şagirdləri ilə birgə Şəhidlər abidəsini ziyarət ediblər. Abidəyə gül çiçək dəstələri qoyduqdan sonra şagirdlər dövlət himnini səsləndiriblər. Daha sonra hər iki sinifdən şagirdlər şəhidlərimizin əziz xatirəsinə həsr olunmuş şeirlər söyləyiblər.
Məqsəd Ali Baş Komandan İlham Əliyevin rəhbərliyi ilə işğal altında olan ərazilərin azad edilməsində ordumuzun və dövlətimizin əldə etdiyi nailiyyətlərin təşviqi, Azərbaycan Ordusunun şanlı qələbəsi barədə maarifləndirici tədbirlərin görülməsi, Vətən müharibəsində canlarından keçmiş Şəhidlərimizin xatirəsinin əbədiləşdirilməsi və şagirdlərdə vətənpərvərlik hislərinin gücləndirilməsidir.
