Şəhidlər Abidəsinə ziyarət
Noyabrın 5-də məktəbin rus dili və ədəbiyyat müəllimi Milena Mahmudovanın təşkilatçılığı ilə 7"i" sinif şagirdləri qəsəbəmizdə yerləşən Şəhidlər Abidəsini ziyarət ediblər. Şagirdlər şəhidlərimizin əziz xatirəsini bir dəqiqəlik sükutla yad ediblər. Daha sonra şeirlər söyləyiblər.
Məqsəd Ali Baş Komandan İlham Əliyevin rəhbərliyi ilə işğal altında olan ərazilərin azad edilməsində ordumuzun və dövlətimizin əldə etdiyi nailiyyətlərin təşviqi, Azərbaycan Ordusunun şanlı qələbəsi barədə maarifləndirici tədbirlərin görülməsi, Vətən müharibəsində canlarından keçmiş Şəhidlərimizin xatirəsinin əbədiləşdirilməsi və şagirdlərdə vətənpərvərlik hislərinin gücləndirilməsidir.
