“Qüdrətli Azərbaycan Ordusu” mövzusunda tədbir
Noyabrın 3-də məktəbin Azərbaycan dili və ədəbiyyatı müəllimi Zühurə Qurbanovanın təşkilatçılığı və 6”c” sinif şagirdlərinin iştirakı ilə "Zəfər Günü"nə həsr olunmuş “Qüdrətli Azərbaycan Ordusu” mövzusunda tədbir keçirilib.
Tədbirdə məktəbin direktoru Səkinə Rzayeva, məktəbin təşkilatçısı Cəmilə Nuqrəzadə, psixoloq Quliyeva Mehriban, UBTR Xalidə İbrahimova iştirak edib. Tədbirdə Müzəffər Azərbaycan ordusunun 44 günlük mübarizəsindən bəhs edilib. Şagirdlər zəfərə həsr olunmuş şeirlər səsləndiriblər.
Məqsəd Ali Baş Komandan İlham Əliyevin rəhbərliyi ilə işğal altında olan ərazilərin azad edilməsində ordumuzun və dövlətimizin əldə etdiyi nailiyyətlərin təşviqi, Azərbaycan Ordusunun şanlı qələbəsi barədə maarifləndirici tədbirlərin görülməsi, Vətən müharibəsində canlarından keçmiş Şəhidlərimizin xatirəsinin əbədiləşdirilməsi və şagirdlərdə vətənpərvərlik hislərinin gücləndirilməsidir.
