Müstəqilliyin bərpası günü
Məktəbin illik fəaliyyət planına uyğun olaraq Ə.Kazımov adına 228 nömrəli məktəbdə şagirdlər 18 oktyabr-Azərbaycanın Dövlət Müstəqilliyinin Bərpası Günü ilə əlaqədar məlumatlandırılıb.
Bu günlə əlaqədar məktəbdə tədbirlər, dəyirmi masa və açıq dərslər təşkil olunub. 30 il əvvəl oktyabrın 18-də Azərbaycanın müstəqilliyini bərpa etməsi şagirdlərin diqqətinə çatdırılıb. Şagirdlərin çıxışları dinlənilib, vətənpərvərlik mövzusunda şeirlər söylənilib, çıxışlar edilib, videoçarxlar nümayiş olunub.
Məqsəd məktəbliləri milli-mənəvi dəyərlərə hörmət və Vətənə məhəbbət ruhunda tərbiyə etmək, şagirdlərdə vətənpərvərlik hissini yüksəltmək respublikamızın keçdiyi zəngin inkişaf yolunda qazandığı nailiyyətləri təbliğ etməkdir.
