Zəfər Azərbaycanındır!
Sentyabrın 30-u Ə.Kazımov adına 228 nömrəli məktəbin 5 "İ" sinifində "Zəfər Azərbaycanındır!" mövzusunda sinif təşkilat saatı keçirilib. Sinif müəllimi Sevinc Zeynalova Azərbaycan Respublikasının II Qarabağ savaşında qazandığı zəfər tarixinin əhəmiyyətdən bəhs edib. Ölkəmizin ərazi bütövlüyündən danışaraq Qarabağın Azərbaycanın ayrılmaz bir parçası olduğunu vurğulayıb. Şagirdlər müzəffər, yenilməz Ordumuzun göstərdiyi şücaətlərdən danışıblar.
Daha sonra şagirdlər oktyabrın 2- si Vətən müharibəsi zamanı qəhrəmancasına şəhid olan Elvin Abdurahmanov haqqında bəhs edərək, şeirlər səsləndiriblər.
Qeyd edək ki, oktyabrın 2-sində şəhid olan Azərbaycan Ordusunun giziri Elvin Abdurahmanov 1996-cı il oktyabrın 1-də Qəbələ rayonu Əmirvan kəndində anadan olub.
Elvin Abdurahmanov 2020-ci il sentyabrın 27-də Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. Ölümündən sonra "Vətən uğurunda " və " Cəbrayılın azad olunmasına görə" medalı ilə təltif edilib.
