V-XI sinifləri üzrə yeni dərs ili
Sentyabrın 29-u Ə.Kazımov adına 228 nömrəli tam orta məktəbdə V-XI sinifləri üzrə yeni dərs ilinə start verilib.
Məktəbdə ilk dərslər təhsil naziri Emin Əmrullayevin imzaladığı “2021-2022-ci tədris ilində ümumi təhsilin fəaliyyət istiqamətləri barədə” əmrinə əsasən “Qarabağ Azərbaycandır!” mövzusuna həsr olunub. Torpaqlarımızın azadlığı uğrunda canından keçən şəhidlərimizin xatirəsi bir dəqiqəlik sükutla yad edilib.
Məqsəd Ali Baş Komandan İlham Əliyevin rəhbərliyi ilə işğal altında olan ərazilərin azad edilməsində ordumuzun və dövlətimizin əldə etdiyi nailiyyətlərin təşviqi, Azərbaycan Ordusunun şanlı qələbəsi barədə maarifləndirici tədbirlərin görülməsi, Vətən müharibəsində canlarından keçmiş Şəhidlərimizin xatirəsinin əbədiləşdirilməsi və şagirdlərdə vətənpərvərlik hislərinin gücləndirilməsidir.
Qeyd edək ki, yeni tədris ilində məktəbimizdə II-XI siniflərdə 1350 şagird təhsil alacaq.
Yeni tədris ilində ənənəvi tədrisə start verən bütün şagirdlərimizə uğurlar arzu edirik.
