27 sentyabr - Anım Günü
27 sentyabr Əliheydər Kazımov adına 228 nömrəli tam orta məktəbdə Vətən müharibəsinin ildönümü ilə əlaqədar tədbirlər təşkil edilib. Anım gününə həsr olunmuş dərslər keçirilib. Bundan əlavə Anım Günü ilə bağlı açıq dərslər, ədəbi-bədii kompozisiyalar, foto və rəsm sərgiləri keçirilib. Şagirdlərimiz şəhidlərimizin əziz xatirəsinə həsr olunmuş abidəni ziyarət edərək şeirlər səsləndirib və abidənin önünə güllər qoyublar. Şəhidlərimizin əziz xatirəsi bir dəqiqəlik sükutla yad edilib.
Şəhidlər abidəsini ziyarətə gələn şagirdlər şeirlərini səsləndirdikdən sonra II Qarabağ müharibəsi qaziləri ilə xatirə şəkilləri çəkdiriblər.
Məktəbdaxili tədbirlərimizdə Vətən müharibəsi, əsgər və zabitlərimizin şücaətindən , Anım və Zəfər günləri ilə bağlı mövzulardan söhbətlər açılıb. Eləcə də, şagirdlərimiz Vətən müharibəsində qəhrəmanlıq göstərən əsgər və zabitlər, qazilər, şəhid olmuş əsgər və zabitlərin ailə üzvləri ilə görüşüblər.
