Şəhidlərin əziz xatirəsinə həsr olunmuş abidəni ziyarət
Məktəbin illik fəaliyyət planına uyğun olaraq yanvarın 17-də məktəbin müəllim və şagirdləri şəhidlərin əziz xatirəsinə həsr olunmuş abidəni ziyarət ediblər. Onlar abidə önünə qərənfillər qoyaraq şəhidlərin xatirəsini bir dəqiqəlik sükutla yad ediblər.
Ziyarətin həyata keçirilməsində məqsəd şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği, vətənin müstəqilliyi uğrunda canlarından keçən igid oğul və qızlarımızın şanlı həyatı ilə tanış etmək, onların Azərbaycanın gənc nəslinə örnək olmasını göstərməkdir.
