20 Yanvar şəhidlərinin xatirəsi
Məktəbin illik Fəaliyyət planına uyğun olaraq xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması məqsədilə məktəbin kitabxanasında Firəngül Əliyeva və Xalidə Nəsirova tərəfindən "Dəyirmi masa" təşkil edilib. Dəyirmi masada məktəb müəllimləri və 7 "B" sinif şagirdləri iştirak ediblər. Əvvəlcə 20 Yanvar şəhidlərinin xatirəsi bir dəqiqəlik sükutla yad edilib.
Daha sonra hər biri 20 Yanvar hadisələrinin mahiyyəti və nəticələri ilə bağlı çıxış edərək, bu hadisələrin Azərbaycan xalqının azadlıq və müstəqillik uğrunda mübarizəsində müstəsna yer tutduğunu vurğulayıb. Xalqımızın yaddaşına qanlı faciə kimi daxil olsa da, bütövlükdə milli tariximizin ən şanlı səhifələrindən biridir.
7 "b" sinif şagirdləri öz növbələrində şəhidlər haqqında şeirlər səsləndirib.
