“İstedadlılarımızı tanıyaq” layihəsinə start verilib
2019-2020-ci dərs ilində Təhsil Nazirliyinin “Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə” 14 avqust 2018-ci il tarixli, F-550 nömrəli əmrində və “Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında” 15 yanvar 2019-cu il tarixli, F-18 nömrəli əmri ilə təsdiq olunmuş Fəaliyyət Planında müəyyən olunmuş hədəflərin yerinə yetirilməsi üzrə işlərin davam etdirilməsi və əlavə tədbirlər haqqında Azərbaycan Respublikası təhsil nazirinin əmrində qeyd olunmuş istiqamətlər üzrə məktəbdə işlərə artıq start verilib.
Məktəbdə “İstedadlılarımızı tanıyaq” layihəsinin keçirilməsi və hər bir uşaqda mövcud olan istedad potensialının üzə çıxarılması, qiymətləndirilməsi və davamlı inkişafına şərait yaradılması məqsədilə V-XI siniflərdə diaqnostik qiymətləndirmə keçirilib. Şagirdlər Azərbaycan dili, riyaziyyat və ingilis dili fənnləri üzrə 16 və 17 sentyabr tarixlərində açıq və qapalı testləri cavablandırıblar.
