Şəhid Səbuhi Orucovun xatirəsi yad edildi.
Müzəffər Azərbaycan Ordusunda xidmət edən Səbuhi Orucov 2020-ci il sentyabrın 27-də Vətən müharibəsində döyüşən igid oğullardan biridir. O, Cəbrayılın, Qubadlının və Laçın rayonunun azadlığı uğrunda gedən döyüşlərdə böyük rəşadət göstərərək, əzəli torpaqlarımızın erməni işğalından azad olunmasında iştirak edib.Oktyabrın 27-də Laçın uğrunda gedən döyüşlərdə Səbuhi Orucov şəhid olub. Şəhadətə ucalan Səbuhi Orucovun xatirəsi anım günündə yad edildi. Belə ki, məktəbimizin ibtidai sinif müəllimi Rəna Qarayeva və IV B sinif şagirdləri cəsur döyüşçünün valideynlərini ziyarət etdilər. Şəhid anası Narınc Orucova şagirdlərə oğlunun qəhrəmanlığı, hərbidə qazandığı uğurlar haqqında məlumat verdi. Rəna Qarayeva şəhidlər haqqında danışaraq, Səbuhi Orucov kimi oğullarla qürur duyduğunu söylədi. Həmin gün şagirdlər Səbuhi Orucova, Vətənə, şəhidlərə, həsr olunan şeirlər söylədilər. Sonda şagirdlər igid döyüşçü Səbuhi Orucovun adına bulaq kompleksinin qarşısına gül qoyaraq, xatirə şəkli çəkdirdilər
