Anamın sözləri
Məktəbin Azərbaycan dili və ədəbiyyat müəllimi Alıyeva Nisə tərəfindən 7 c sinfində Fikrət Qocanın "Anamın sözləri" mövzusu geniş şəkildə təqdim edildi. Dərsdə məktəbin Təlim və tərbiyə üzrə direktor müavini R. Ağayeva və kitabxana müdiri K. Cəfərova iştirak etdilər. Dərs zamanı "Ana" musiqisi səsləndirildi, C. Cabbarlının "Ana" şeiri qiraətçinin ifasında dinlənildi. Şagirdlər bu mövzuda divar qəzeti, rəsm nümunələri sərgilədilər, mövzu ilə bağlı gözəl şeirlər səsləndirdilər. S. Bəhram və Ə. Əsnadın ifasında maraqlı musiqi ifa olundu. Son olaraq hər bir şagird ananın ucalığı haqqında fikirlərini mesaj olaraq səsləndirdilər. Ana müqəddəsdir. Analarımızın dəyərini bilmək hamımızın borcudur.
