Məktəbimiz üçün edilən islahatlar
Qısa müddətdə məktəbin bütün sinif otaqlarını və dəhlizlərini, kitabxananı,müəllimlər otağını,fizika və kimya kabinetlərini abadlaşdırdıq, tibb otağını və informatika kabinetini yaratdıq, sanitar qovşaqlara su çəkdik, smesitellər quraşdılrdıq, aylarla məktəbin həyətinə axan və antisanitariya şəraiti yaradan kanalizasiya-çirkab suların qarşısını aldıq,bütün kanalizasiya xəttlərini təmizlədik, kəskin qoxunu məktəbin dəhlizlərindən demək olar ki yığışdırdıq.
Valideynlərimiz bütün bunlara görə bizə həmişə təşəkkürlərini bildirsədə, bizi bəzi saytlarda hədəfə tutan,işimizə kölgə gətirmək istəyənlər də tapıldı. İş o yerə çatdı ki, iməciliyi belə bizə irad tutdular,hansı ki, Ulu Öndərimiz, Cənab Prezidentimiz dəfələrlə özləri şəxsən iməciliklərdə iştirak edib və bütün dünyada bunun mənəvi-tərbiyəvi rolunu əsas gətirərək ildə heç olmasa bir dəfə təşkil edirlər.
Amma buna baxmayaraq işimizdə israrlıyıq.
İdman zalının və soyunma-geyinmə otaqlarının durumu bizi narahat edirdi.
Sabunçu rayon İcra Hakimiyyətinin Başçısı Adil müəllim Vəliyevin dəstəyi və tapşırığına əsasən məktəbimizin idman zalı,soyunma-geyinmə otağı, idman zalının dəhlizi və məktəbin giriş fasadı abadlaşdırıldı.
Öz yüksək işgüzarlığı, dövlətimizə və ölkə Başçısına sədaqəti, səmimiliyi və məktəblərə,təhsil ocaqlarına diqqəti ilə fərqlənən hörmətli ADİL MÜƏLLİM VƏLİYEVƏ MƏKTƏBİMİZİN BÜTÜN KOLLEKTİVİ VƏ VALİDEYNLƏRİ ADINDAN SƏMİMİ TƏŞƏKKÜRLƏRİMİZİ BİLDİRİRİK!
