22 №-Lİ TAM ORTA MƏKTƏB

2ə sinfinə Həyat bilgisi fənnindən "pullarımız" mövzusunda açıq dərs keçirildi. Açıq dərsdə fəal iştirak edən şagirdlərimiz Azərbaycan əskinaslarını öyrəndilər və müəllimin verdiyi tapşırıqları yerinə yetirdilər. Açıq dərsdə iştirak edən hər kəsə və xüsusilə bu maarifləndirici dərsə görə İbtidai sinif müəllimi Aytac Quliyevaya təşəkkür edirik. Şagirdlərimizə uğurlar arzulayırıq!

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

Bu gün Firuz Bayramov adına 22 nömrəli tam orta məktəbdə Coğrafiya gecəsi keçirildi. Şagirdlərimiz coğrafiya fənnindən öyrəndiklərini əyani şəkildə göstərdilər. Həmçinin bu gün 1 iyun Uşaqların Müdafiəsi Gününə görə hazırladıqları səhnəciklər və rəqsləri təqdim etdilər. Tədbirdə çıxış edən məktəbin direktoru Azər Ələkbərov və direktor müavinləri Xanəli Məmmədov və Tural Şirinov şagirdlərimizi bayram münasibətilə təbrik etdilər. Coğrafiya gecəsinin keçirilməsini təşkil edən coğrafiya müəllimi Quliyeva Lalə müəllimə təşəkkür edirik.

Böyük Summativ Qiymətləndirmələr başladı.

3c sinfinə Həyat bilgisi fənnindən "Fövqəladə hallarda davranış qaydaları" mövzusunda açıq dərs keçirildi. Şagirdlərimiz fövqəladə hallar zamanı davranış qaydalarını öyrəndilər və əyani şəkildə göstərdilər. Açıq dərsdə iştirak edən hər kəsə və bu faydalı məlumatlarla zəngin dərsə görə İbtidai sinif müəllimi Gültəkin Abbasovaya təşəkkür edirik. Şagirdlərimizə dərs həyatında uğurlar arzulayırıq.