Məktəbimizin 2017-ci ilin məzunlar ilə görüş təşkil olundu
Məktəbimizin 2017-ci ilin məzunları ilə məktəb rəhbərinin təşəbbüsü ilə görüş təşkil olundu.
Maraqlı idi: görəsən məktəbin yetişdirdiyi "məhsul"un aqibəti necə oldu,iqtisadiyyatımıza töhfə verə biləcək kadrlar yetişirmi?
Görüşə gələnlərin məlumatlarından bəlli oldu ki,əksəriyyət ali təhsil pilləsində təhsillərini davam etdirir.
Məzunlardan yüksək (600-dən çox) bal toplayan olmasada, amma məktəbimizin ümumi durumu üçün heçdə zəif məzunlar görsənmədilər. Təsürratımız müsbətdir.
Məktəbdə aparılan islahatlardan məlumat verdik, sonra səmimi söhbət etdik. Məzunlar məktəbdə təhsilin və dərslərin keyfiyyətinin qaldırılmasını istədilər. Məktəb rəhbərinin sualına: "hansısa dəyişiklik hiss edirsiniz məktəbdə?" məzunlardan biri cavab verdi: "hələ ki, məktəbin xarici görünüşü müsbətə dəyişib,istərdik ki,dərslərin məzmunu,keyfiyyəti də dəyişsin".
Hesab edirəm ki,haqlı və olduqca yerində səsləndirilən fikir oldu: hələ təhsilin keyfiyyəti istiqamətində "N" qədər iş görülməlidir,özüdə tək "əl" ilə yox, hamılıqla...
Məzunlarımıza uğurlar arzuladıq və məktəbimizlə sıx əməkdaşlığa dəvət etdik.
