Təminat və təchizat sektorunun əməkdaşları məktəbin vəziyyəti ilə əyani tanış oldular
Bakı şəhəri üzrə Təhsil İdarəsi rəhbərliyinin tapşırığı ilə Təminat və təchizat sektorunun əməkdaşları məktəbimizdə olaraq məktəbin inventar və avadanlıq təminatı vəziyyəti ilə əyani tanış olmuşdurlar.
Bakı təhsil sistemində Təminat və təchizat sektorunun müdir müavini təcrübəli Əli müəllimi tanımayan yoxdur yəgin ki. Olduqca sadə, səbrli,təmkinli,lakin işinə ürək yandıran,məktəblərin bütün problemlərinə bütün daxili aləmi ilə həmişə şərik olan,məktəblərə əlindən gələn köməklikləri heç vaxt təxirə salmayan,gözəl və mədəni,alicənab ağsaqqal, əsl ziyalı,təhsil işçisi Əli müəllim.
Əli müəllim məktəbə diqqətlə baxış keçirdi, vəziyyətin nə qədər acınacaqlı olduğunu əyani görərək, əlavə korpusun inşası üçün rəhbərliyə məruzə etməsinə və müvafiq məktubun hazırlanmasına söz verdi.
Bakı şəhəri üzrə Təhsil İdarəsinin rəhbərliyinə və məktəbimizə əziyyət çəkib gələn Əli müəllimə bütün kollektivimiz adından səmimi təşəkkür edirik.
