DİAQNOSTİK QİYMƏTLƏNDİRMƏ KEÇİRİLDİ
Aprelin 20-də Bakı Şəhəri üzrə Təhsil idarəsi tərəfindən təşkil olunan “Məktəb seminarları”nda zəif təlim göstəricisi olan şagirlər müəyyən olunub və onlarla məqsədyönlü işin aparılması üçün diaqnostik qiymətləndirmə təşkil olunub. Bu məşğələlərin keçirilməsinin əsas məqsədi zəif göstəricisi olan şagirdlərdə bilik səviyyəsində müsbət dəyişikliyin, irəliləyişin olub-olmadığını yoxlamaqdan ibarət olub.
Zəif nəticə göstərən şagirdlərlə Azərbaycan dili, ingilis dili və riyaziyyat fənləri üzrə əlavə məşğələlər müəyyən edilərək, təyin edilmiş cədvələ əsasən şagirdlərlə əlavə dərslər keçirilib. Növbəti diaqnostik qiymətləndirmənin keçirilməsi may ayında nəzərdə tutulub.
