218 №-li tam orta məktəb

Fəaliyyət planına əsasən 4 dekabr 2023-cü il tarixində məktəbin psixoloqu Gülnarə Cəbrayılova IV a sinif şagirdləri ilə “ Dünya hələ bizim üçün nağıldır ! ” mövzusunda maarifləndirici tədbir keçirildi. Şagirdlər öz çəkdikləri şəkilləri paylaşaraq yazdıqları esseni oxudular. Şagirdlərin müəyyən fikirlərlə, ailəm, məşğuliyyətim, fəsillər, təbiət və təhsil barədə öz nağıllarını qurmuşdular.   

02.12.2023-cü il tarixində məktəbin Tədbirlər Planına uyğun olaraq Uşaq Birliyi Rəhbəri Tural Cəmilovun təşkilatçılığı ilə Ümummilli lider Heydər Əliyevin anım günü həsr olunmuş xüsusi dərs keçirildi.

Azərbaycan Respublikasının Dövlət Himni səsləndirildi, tədbir iştirakçıları 1 (bir) dəqiqəlik sükutla Ümummilli lider Heydər Əliyevin əziz xatirəsini yad etdilər.

Məktəbin direktoru Əbülfət Bağırov tədbiri açaraq qeyd etdi ki, hər bir xalqın milli azadlıq və istiqlaliyyət tarixində xilaskar rolunu oynayan dahi insanlar var. Həmin dahilər öz qətiyyətləri ilə mənsub olduqları xalqı arxasınca aparıb, ən taleyüklü məqamlarda qalib rolu oynamışlar. Azərbaycan xalqının ümummilli lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşmüşdür. Azərbaycanın 1960-cı illərin sonundan başlanan və XXI əsrə adlayan tarixinin otuz beş illik bir dövrü ulu öndər Heydər Əliyevin adı ilə bağlıdır.

Daha sonra çıxış edənlər bildirdilər ki, Ulu öndər bütün bu illərdə Azərbaycanın məsuliyyətini öz çiyinlərində daşımış, onu bir dövlət və xalqımızı bir millət kimi tarixin ağır və sərt sınaqlarından çıxarmış, müasir Azərbaycan adlandırdığımız müstəqil məmləkəti, onun bugünkü həqiqətlərini, işıqlı sabahının etibarlı bünövrəsini yaratmışdır. Bu illər ərzində Azərbaycan xalqının ictimai-siyasi, sosial-iqtisadi və mədəni həyatının bütün sahələrində dirçəliş onun adı ilə bağlıdır.

Ulu öndərə həsr olunmuş videoçarxlar nümayiş olundu.

2 dekabr 2023-cü il tarixində məktəbin psixoloqu Gülnarə Cəbrayılova “İntihar – çıxış yolu deyil!” adlı maarifləndirici tədbir keçirib. Tədbirdə məktəbin X-XI sinif şagirdləri iştirak ediblər. Tədbirdə “İntihar, onun səbəbləri və nəticələri”, “Stress, stressin səbəbi və ondan çıxış yolları”, “Problem həll etmə üsulları”, və digər mövzular ətrafında şagirdlərlə söhbətlər aparılıb. Qeyd olunub ki, bu gün intihar cəmiyyətin əsas problemlərindən birinə çevrilir. İntiharın təməli düşdüyü vəziyyətdən çıxış yolu tapa bilməyən zaman qoyulur. Onun mərkəzində, əsasən, fərdi psixoloji problemlər dayanır. Bu gün intiharın qarşısını almaq üçün insan şüurunda dəyişiklik edilməlidir. Vurğulanıb ki, yeniyetmə və gənclər arasında bu cür maarifləndirici tədbirlərin təşkili xüsusi önəm daşıyır. Həmçinin tədbirdə gənclərə problem həll etmə bacarıqlarının aşılanması və onlarda sağlam düşüncə tərzinin formalaşdırılması məqsədi ilə də söhbət aparılıb.

1 dekabr 2023-cü il tarixində məktəbin psixoloqu Gülnarə Cəbrayılovnın təşkilatçılığı ilə 1 dekabr Ümumdünya QİÇS-lə mübarizə gününə həsr olunmuş tədbir keçirilmişdir. O, qeyd etdi ki, QİÇS deyilən xəstəlik  artıq bütün dünyanı caynağına alan bəlaya çevrilib. Bu xəstəliyin çox qədim tarixi olmasına baxmayaraq, əslində keçən əsrin 80-ci illərindən başlayaraq kütləvi şəkil alıb. Hal-hazırda dünya əhalisinin 35 milyondan çoxu bu xəstəliyin daşıyıcısıdırlar. Ölkəmizdə də  4500-dən çox bu xəstəliyin daşıyıcıları var. Bu tədbiri keçirməkdə məqsəd gənclərimizin bu xəstəliyi qarşı çox diqqətli və ayıq-sayıq olmalarıdır. QİÇS adlanan bu mərhələdə ən adi bir xəstəlik də çox ağır bir fəsadlara gətirib çıxararaq ölümlə nəticələnə bilər. Bu xəstəliyin yaş həddi yoxdur. Xəstəliyə yoluxmamaq üçün hər bir  insan məlumatlı olmalı, xüsusən də müalicə olunarkən, tibbi alətlərdən istifadədə qan köçürülməsi zamanı, diş fırçası və üzqırxanlardan istifadədə  və xüsusən qadınlar gözəllik salonlarında diqqətli və ehtiyatlı olmalıdır. Görüş zamanı tədbir iştirakçılarına QİÇS-lə bağlı  slayd nümayiş olundu.

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində tədris, təlim-tərbiyə prosesinin təşkili və idarə olunması ilə bağlı operativ monitorinqlər keçirilir.

Monitorinqlərin təşkil olunmasının əsas məqsədi seçmə üsulla müəyyənləşdirilmiş məktəblərdə təhsil mühitinin öyrənilməsindən ibarətdir. Təhsil müəssisələrində sağlamlıq, təhlükəsizlik və nizam-intizam, tədris-pedaqoji və digər sənədlərlə işin təşkili, inzibati heyətin fəaliyyəti, metodiki işin təşkili monitorinq zamanı müşahidə olunan əsas istiqamətlərdəndir. Proses zamanı müvafiq istiqamətlərə aid olan 35 meyar 4 səviyyə üzrə qiymətləndirilir.  

Monitorinqlərin nəzərdə tutulan əhatə dairəsinin təmin olunması üçün BŞTİ tərəfindən 6 komissiya yaradılıb.

Monitorinqlərin yekununda ümumi təhsil müəssisələrində təlimatların tələblərinin icrası, şəxsi nümunə və sosial məsuliyyət, məktəb sənədləri ilə iş, fənn müəllimlərinin təlim prosesinə hazırlıqlı qoşulması, dərs prosesində şagirdlərin aktivliyinin artırılması, şagird nailiyyətlərinin və davranışlarının obyektiv qiymətləndirilməsi ilə bağlı müvafiq təklif və tövsiyələr verilir.

Qeyd edək ki, monitorinqlərin sistemli və ardıcıl şəkildə davam etdirilməsi nəzərdə tutulur.