218 №-li tam orta məktəb

Məktəbimizin 6a sinif şagirdləri bu gün "Yaşıl layihə" çərçivəsində "Yaşıl sinif" təşkil etdilər.Şagirdlər məktəbimizin həyətyanı sahəsində yetişdirdikləri dibçəkləri  sinif otağına yerləşdirdilər, onlara qulluq etdilər.Layihəni icra edərkən bu günün tarixini də unutmadılar.Sinif otağına 44 ədəd dibçək yerləşdirdilər. 44 gün davam edən zəfər tariximizin hər gününü xatırladılar, Şəhidlərimizi  qürur və minnətdarlıqla hissi ilə  andılar .

27 sentyabr  məktəbdə Anım günü ilə əlaqədar olaraq silsilə tədbirlər keçirilib.Bunlardan biri də ibtidai sinif müəllimləri Qardaşova Nailə, İlham Yəhyayev, Nuridə Əbilova, Kəmalə Məhərrəmzadə, Mehparə Abbasova, Aişən Yunisova, Nigar Mirzəyeva və Vəfa müəllimənin təşkil etdikləri tədbirlər idi.Tədbirlər həm sinif otaqlarında, həm də akt zalında təşkil olunmuşdur.Tədbir iştirakçıları dərin minnət və hörmət hissi ilə Şəhidlərimizi yad etdilər. İbtidai sinif şagirdlərinə müəllimlər tərəfindən 44 günlük müharibə, zəfər yolu, Şəhidlərimizlə bağlı bir sıra məlumatlar, videotəqdimatlar, slaydlar göstərildi. Şagirdlərimizdə vətənpərvərlik, yurda bağlılıq, Şəhidlərimizə dərin ehtiram hissi aşılandı. Tədbirləri məktəb rəhbərliyi, idarə heyəti və aparıcı müəllimlər izlədilər.

Bu gün məktəbdə Anım günü ilə əlaqədar olaraq silsilə tədbirlər keçirilib.Bunlardan biri də UBR Tural Cəmilov və psixoloq Gülnarə Cəbrayılova tərəfindən təşkil olunan dəyirmi masa olmuşdur.

Torpaqlarımızın suverenliyi və ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edildi.Dəyirmi masada məktəbin tarix müəlliməsi Quliyeva Taliyə çıxış etmiş və qeyd etmişdir ki, Vətən müharibəsi bizim şanlı tariximiz, şəhidlər və qazilər qürur mənbəyimizdir. Daha sonra dəyirmi masada iştirak edən V-IX sinif şagirdləri Anım günü ilə bağlı öz fikirlərini bildirmiş və şeirlər söyləmişdirlər.

27 sentyabr 2022-ci il tarixində məktəbin hərbi rəhbəri Mehdi Rəhimov, UBR Tural Cəmilov, XI c və XI d sinif rəhbərləri Sevinc Qasımlı və Mehman Məmmədov, X-XI sinif şagirdləri Anım günü ilə əlaqədar olaraq Binə qəsəbəsində yerləşən Şəhidlər Xiyabanını ziyarət ediblər. Ziyarətdə şagirdlər İkinci Qarabağ müharibəsində qəhrəmancasına həlak olmuş şəhidlərin məzarları üzərinə güllər düzüb, şəhidlərin ruhuna dualar etdilər.

27 sentyabr 2022-ci il tarixində R.Baxışov adına 218 nömrəli tam orta məktəbdə Anım Günü ilə əlaqədar silsilə tədbirlər həyata keçirildi.Azərbaycan Respublikasının Dövlət Himni səsləndirildikdən sonra sıra xəttində Şəhidlərimizin xatirəsi bir dəqiqəlik sükutla yad edildi. Məktəbin direktoru Əbülfət Bağırov Anım Günü ilə bağlı  məlumatları şagirdlərin və müəllimlərin diqqətinə çatdırdı.Daha sonra məktəbin 8 b sinif şagirdləri İmamcanova Zəhra və Edilli Məhsəti “Qarabağ artıq azaddır!” adlı şeiri səsləndirdilər.