20 YANVAR-ÜMUMXALQ HÜZN GÜNÜNƏ HƏSR OLUNMUŞ XÜSUSİ DƏRS
14.01.2025-ci il tarixində məktəbin akt zalında 20 Yanvar-Ümumxalq Hüzn Gününə həsr olunmuş xüsusi dərslər keçirildi.
Məktəbin direktorunun əmri ilə təsdiqlənmiş “20 Yanvar faciəsinin otuz beşinci ildönümünün keçirilməsi ilə bağlı Tədbirlər Planı”na əsasən şagirdlərdə Vətənə məhəbbət hissinin daha da möhkəmləndirilməsi, onların layiqli vətəndaş kimi yetişdirilməsinə xidmət etmək məqsədilə şagirdlərə xüsusi dərslər keçirildi.
Dərslərdə Azərbaycanın müstəqilliyi və ərazi bütövlüyü uğrunda canından keçmiş qəhrəman Vətən övladlarının xatirəsi bir dəqiqəlik sükutla yad edildi.
Dərslər zamanı məktəb rəhbərliyi 1990-cı il yanvarın 19-dan 20-nə keçən gecə Bakıda törədilmiş vəhşiliklərdən, insanlığa qarşı yönəlmiş hadisələrin acı nəticələrindən söhbət açdılar. Eləcə də 20 Yanvar hadisələrinin tarixindən, şəhid kimi əbədiyyətə qovuşan Vətən övladlarının şücaətindən bəhs olundu.
