"Zəfərimiz Sizinlə!" adlı bayram tədbiri keçirildi
Xalqımızın tarixində çox əlamətdar bir gün olan “8 noyabr Zəfər Günü”nün qeyd edilməsi münasibəti ilə 07 noyabr 2024-cü il tarixində məktəbin biologiya müəllimi Elza Cəfərova və musiqi müəllimi Tərlan Mirzəyevanın təşkilatçılığı ilə "Zəfərimiz Sizinlə!" adlı bayram tədbiri keçirildi.
Tədbirdə məktəb rəhbərliyi, şəhid ailələri, qazilər, pedaqoji heyət, valideynlər və şagirdlər iştirak etdilər.
Tədbir Azərbaycan Respublikasının Dövlət Himninin səsləndirilməsi ilə başladı. Şəhidlərimizin ruhu bir dəqiqəlik sükutla yad edildi.
Tədbirdə məktəbin direktoru Əbülfət Bağırov çıxış edərək, sentyabrın 27-dən başlayan, 44 gün davam edən və Dağlıq Qarabağ da daxil olmaqla işğal altındakı ərazilərimizin qaytarılması ilə nəticələnən Vətən Müharibəsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrildiyini bildirdi. Vətən müharibəsində Azərbaycan xalqı öz liderinin - müzəffər Ali Baş Komandan İlham Əliyevin ətrafında sıx birləşərək bütün dünyaya öz gücünü, mətinliyini, mübarizliyini nümayiş etdirdiyini qeyd etdi.
Təlim-tərbiyə işləri üzrə direktor müavini Mirismayıl Vahabov tədbirin təşkilatçılarına minnətdarlığını bildirdi.
Daha sonra məktəbin şagirdləri vətənpərvərlik mövzusunda mahnılar oxudular. Vətənimizə, Müzəffər ordumuza həsr edilmiş şeirlər söylədilər.
