"Bilik günü” qeyd edildi
"Bilik günü” münasibətilə R. Baxışov adına 218 nömrəli tam orta məktəbdə tədbir keçirildi. Tədbirdə məktəb rəhbərliyi, müəllim və şagird heyəti, valideynlər iştirak etdilər.
Tədbir Azərbaycan Respublikasının Dövlət Himni ilə başlamış və Vətənimizin azadlığı, suverenliyi, ərazi bütövlüyü uğrunda canından keçmiş Qəhrəman oğullarımızın əziz xatirəsi bir dəqiqəlik sükutla yad edilmişdir.
Tədbirdə çıxış edən məktəbin direktoru Əbülfət Bağırov ilk növbədə “Bilik günü” münasibətilə məktəbliləri, valideyn və müəllimləri təbrik edib, onlara yeni dərs ilində uğurlar arzulayıb. Ötən tədris ilinin uğurlu olduğunu diqqətə çatdıran Əbülfət müəllim şagirdlərin ali məktəblərə qəbul imtahanlarında yüksək nəticələr göstərdiyini vurğulayıb.
Tədbirin sonunda qonaqlara məktəb şagirdlərinin hazırladığı bədii kompozisiya, şerlər, məktəb həyatından bəhs edən və vətənpərvərlik mövzusunda mahnılar, təqdim olunmuşdur.
