ŞƏHİDLƏR XİYABANINA ZİYARƏT
16 yanvar 2019-cu il tarixdə məktəbin tərbiyə işləri üzrə direktor müavini Aqşin Kazımov, UBR Tural Cəmilov və kitabxanaçı Afət Mirzəyevanın müşaiəti ilə IV və VII sinif şagirdləri 20 Yanvar-Ümumxalq Hüzn Günü ilə əlaqədar müqəddəs and yerimiz olan Şəhidlər xiyabanını ziyarət etmişdirlər. Onlar Azərbaycanın müstəqilliyi və ərazi bütövlüyü uğrunda canlarından keçmiş şəhidlərin xatirəsini ehtiramla yad etmiş, məzarları üzərinə qərənfillər düzmüşdürlər. Həmçinin, məktəbin adını daşıdığı Rəşid Hacıağa oğlu Baxışovun da məzarı ziyarət edilmiş və haqqında ətraflı məlumat verilmişdir.
