QANLI YANVAR ŞAGİRDLƏRİN GÖZÜ İLƏ
19.01.2024-cü il tarixində ilk dərslər “20 Yanvar” faciəsinə həsr olunmaqla yanaşı, siniflərimizdə silsilə tədbirlər keçirildi.
Şagirdlər o gecənin hüznünü səsləndirdikləri şeirlərlə bir daha xatırladılar.
Daha sonra qeyd olundu ki, 20 Yanvar Azərbaycan tarixində istiqlal yolunun başlanğıcı, milli oyanış günüdür. Üzərindən 34 il ötməsinə baxmayaraq bu tarix xalqımızın müstəqillik, milli məfkurə uğrunda ayağa qalxdığı, azadlıq üçün qurban getməyə hazır olduğunu sübut etdiyi gün kimi daim xatırlanacaq. Xalqımızın mübarizə tarixinin 20 Yanvar səhifəsinin gənc nəsillər tərəfindən hər zaman xatırlanmalı olduğu şagirdlərin diqqətinə çatdırıldı.
