“REPRODUKTİV SAĞLAMLIQ NƏDİR” MÖVZUSUNDA SEMİNAR
26 fevral tarixində məktəb-liseyin psixoloqu Yeganə Vəliyeva, uşaqlarla məktəbdənkənar və sinifdənxaric tərbiyə işi üzrə təşkilatçı İlhamə Əsgərova, məktəbin həkimi Seyidova Aynurə, tibb bacısı Binyətova Ləzifə IXa və IXb sinif qız şagirdləri ilə “Reproduktiv sağlamlıq nədir” mövzusunda seminar keçirildi.
Seminarda şagirdlərə uşaqlıqdan yetkinliyə keçid dövrü , uşaqların inkişaf mərhələləri, cinsi yetişkinlik, yetkinlik dövrü diaqramı, yetkinlik dövründə emosional dəyişikliklər haqqında geniş məlumat verildi.
Bir sıra gigiyenik qaydalara riayət olunması haqqında məktəbin həkimi şagirdlərə məlumat verdi. Şagirdlərin ətraflı şəkildə maarifləndirilməsi üçün slaydlardan istifadə olundu.
Sonda şagirdləri maraqlandıran suallara cavab verildi, onların fikirləri dinlənildi.
