Şagirdlərə fərqlənmə attestatları təqdim edildi
2020-2021-ci tədris ilində 207 nömrəli tam orta məktəbi bitirən 59 nəfər şagirdən 4 nəfəri tam orta təhsil səviyyəsi üzrə Fərqlənmə attestatı almışlar. Bu gün məktəb rəhbərliyi tərəfindən məzunlara attestatlar təqdim edildi. Məktəbimizin direktoru S. Seyidova məzunları təbrik etdi və onlara gələcək təhsil həyatlarında uğurlar arzu etdi. Qeyd edək ki, məzun Z. Zeynallı buraxılış imtahanında Bakı şəhəri üzrə ən yüksək nəticə göstərmişdir (riyaziyyat 100 bal, ingilis dili 100 bal, ana dili 94 bal). Ümid edirik ki, məzunlarımız ali məktəbə qəbul üçün keçiriləcək imtahanda da yüksək bal toplayaraq, istədikləri ali məktəbə qəbul olacaqlar.
