NOVRUZ BAYRAMI
Novruz bayramı özünəməxsus xüsusiyyətləri ilə fərqlənir. Bu bayram xalqımızın tarixi kökü ilə bağlı olduğundan adət-ənənələrlə zəngindir. Novruzun süfrəsi də fərqlidir. Belə ki, istər süfrədə, çərşənbələrdə, istərsə də Novruz axşamında milli xörəklərimiz, ən başlıcası isə plov olmalıdır. Şəkərbura, paxlava, şəkər çörəyi və digər şirniyyatlar, kişmiş, püstə, badam, boyanmış yumurtalar süfrələrimizi bəzəyir. Adətə görə süfrəyə "s" hərfi ilə başlayan 7 növ ərzaq qoyulur. Su, süd, səməni, sünbül, sucuq, siyənək balığı, süzmə və sairə də bayram süfrəsinin bəzəyi olur. Çərşənbələrdə olduğu kimi, Novruz axşamında da tonqal qalanır, evlərdə ailə üzvlərinin hər birinin adına şam yandırılır. Bu bayramda kimsəsizlərə, ehtiyacı olanlara, ahıl insanlara başçəkmək, onlara bayram sovqatı vermək savab hesab edilir. Novruz Bayramı münasibətilə 207 nömreli məktəbdə şagird və müellim kollektivi tərəfində tədbir keçirildi. Tədbirdə şagirdlər tərəfində səhnəciklər təşkil edildi, milli rəqslər ifa olundu. Tədbirin təşkilatçısı Poeziya dərnəyinin rəhbəri Sevinc Əliyeva, Xor dərnəyinin rəhbəri Sevic Qədirova, Təşkilatçı Sedaqət İsmayılova idi.
