Yol hərəkət qaydalarını öyrənək və bilək
Məktəbin tədbirlər planına əsasən ibtidai siniflərdə "Yol hərəkəti qaydalarını öyrənək və bilək" mövzusunda maarifləndirici tədbirlər keçirilib.
Məqsəd uşaqlara yol hərəkəti qaydalarının kiçik yaşlardan öyrədilməsini təbliğ etmək və onlarla bağlı yol-nəqliyyat hadisələrinin sayını azaltmaqdır.
Tədbirdə yol nişanları, piyada keçidləri, təhlükəsizlik kəmərinin əhəmiyyəti ilə bağlı maarifləndirici videoçarxlar nümayiş olunub. Nümayiş olunan videoçarxlar vasitəsilə uşaqlar piyadaların səhvlərini müzakirə ediblər, təhlükəsizlik kəmərini bağlamayanda hansı pis nəticələrlə qarşılaşacaqları uşaqlara izah edilib. Videoçarxlardakı hadisələr haqqında uşaqların fikirləri dinlənilib və sualları cavablandırılıb.
