"Uşaq hüquqları" mövzusunda seminar
20 oktyabr - 20 noyabr tarixlərini əhatə edən “Uşaq hüquqları aylığı” çərçivəsində 05.11.2024-cü il tarixində məktəbin psixoloqu Aytən Məmmədova tərəfindən VI sinif şagirdləri ilə maarifləndirici seminarlar təşkil olunub.
Dərs zamanı şagirdlərə insan hüquqlarının tərkib hissəsi olan uşaq hüquqlarının yaranma tarixindən danışılıb, milli və beynəlxalq qanunvericilik sənədlərindən bəhs edilib, dövlət tərəfindən uşaq hüquqlarının müdafiəsi sahəsində görülən işlər barədə ətraflı məlumat verilib. Şagirdlərə onların yaşamaq hüququ,sağlamlıq hüququ, müdafiə hüququ, təhsil hüququ və s. hüquqları sadalanıb.
