Şagird davranış qaydaları mövzusunda seminar
Məktəbimizdə təhlükəsiz məktəb mühitinin təmin olunması və "Ümumi təhsil müəssisələrində şagird davranış qaydaları"nın tətbiqi mövzusunda valideynlərlə silsilə maarifləndirmə tədbirləri təşkil olunur.
Məktəblərdə təhlükəsiz mühitin formalaşmasında məktəb kollektivi və şagirdlərlə yanaşı, valideynlərin rolu, şagird davranış qaydaları, qadağan olunmuş əşyaların məktəbə gətirilməməsi, davamiyyətin təşkili və punktuallığın təmin olunması, məktəbli geyim qaydalarına riayət, dərs prosesindən öncə gündəlik telefonların yığılması və dərsin sonunda şagirdlərə təhvil verilməsi, şagirdin gizli şəkildə telefon istifadə etməsi aşkarlanması hallarında təlimata əsasən həmin telefonların aktlaşdırılması, bir gün təhsil müəsisəsində qalması və növbəti gün valideynə təhvil verilməsi və s. mövzular valideynlərin diqqətinə mütəmadi çatdırılır.
