"20 Yanvar- Qürur və iftixar günümüz" adlı tədbir
Məktəbdə ilk dərslər 20 Yanvar faciəsi şəhidlərinin xatirəsinə həsr olunub.
Bu məqsədlə məktəbin ibtidai sinif müəllimə Nailə Əliyeva 1Ç sinfində “20 Yanvar-Qürur və İftixar günümüz” mövzusunda tədbir keçirdib.
Tədbiri giriş sözü ilə açan N.Əliyeva bildirib ki, 1990-cı il yanvarın 19-dan 20-nə keçən gecə sovet ordusunun xüsusi təyinatlı cəza dəstələri tərəfindən Bakıda dinc əhaliyə qarşı vəhşiliklər törədildiyini, günahsız insanların qətlə yetirildiyini xatırladıb. Daha sonra şəhidlərin ruhunu bir dəqiqəlik sükutla yad ediblər.
Şagirdlərin ifasında faciəni əks etdirən şeirlər səsləndirilib, mahnılar söylənib, səhnəciklər nümayiş etdirilib.
Tədbir boyu fonda 20 Yanvar hadisələrini əks etdirən slaydlar, videoçarxlar nümayiş etdirilib.
