"Salam məktəb"
15 sentyabr 2023-cü il tarixində məktəbimizdə "Salam məktəb" adlı tədbir keçirilib.
Tədbirdə ilk öncə Azərbaycan Respublikasının Dövlət Himni səsləndirilib. Bundan sonra Vətən uğrunda canından keçən şəhidlərimizin xatirəsi bir dəqiqəlik sükutla yad edilib.
Tədbiri məktəbin direktoru Xoşqədəm Məmmədova açıq elan edib, yeni dərs ili münasibətilə müəllim kollektivini və məktəbə ilk qədəm qoyan şəhid Paşayev Daşdəmirin qızı Paşazadə Sofiya Daşdəmir qızını yeni məktəb ləvazimatları və xüsusi hədiyyə ilə təbrik edib. X.Məmmədova çıxışında bildirib ki, bu il məktəbimiz üçün uğurlu il olub. Məzunlarımız yüksək nəticələr göstərib.
Daha sonra söz Elm və Təhsil Nazirliyinin məsləhətçisi Ceyhun Nəzərova verilib. C. Nəzərov çıxışında vurğulayıb ki, bu il təhsildə yeni hədəflər müəyyənləşdirilib. Biz təhsil işçiləri olaraq qarşıya qoyulan hədəflərə nail olmaq üçün çalışmayıq. Bu il " Heydər Əliyev" ili olduğu üçün məktəbimizdə ilk dərslər "Heydər Əliyev Azərbaycanın xilaskarı və qurucusudur" mövzusunda keçirilib.
Tədbir birincilərin ilk zənginin çalınması ilə başa çatıb.
